Mira les bases, datos pa la incripción, teléfonu d’información, premios, etc. __ La fecha tope pa l
07.08.2011__ I CONCURSU DE GAITEROS DE VILLAVICIOSA ‘MEMORIAL JOSÉ HUERTA’ ORGANIZAU PO LA BANDA GAITES VILLAVICIOSA ___ ver >>>
- - - Bases 1.- Podrán tomar parte tolos concursantes que quieran, siempres a títulu personal. 2.- Nun se establez llímite de edá. De la mesma forma, se establez una única categoría. ... 3.- La propuesta d’inscripción tien de formalizase unviando per corréu postal los datos personales nuna fueya (onde constarán nome y apellíos, direición y teléfonu de contautu), amás d’una fotocopia’l DNI a: BANDA GAITES VILLAVICIOSA I Concursu de Gaiteros APT: 23 – C.P:33300 (Teléfonu d’información: 666593574) 4.- El concursu va tener dos estayes: preseleición o semifinal y final, dambes abiertes al públicu. Si el númberu de participantes inscritos ye menor de 15, tolos participantes pasarán direutamente a la final. Pa la preseleición o semifinal, el concursante tien d’interpretar un tema de llibre elleición. Pa la final, de 15 participantes seleicionaos (si el númberu d’inscritos ye mayor de 15), el concursante tendrá d’interpretar 2 temes, ún de la llista que vien darréu y otru de llibre elleición. Les canciones han de ser interpretaes ensin añedíos nin supresiones. 1.- Muñeira de Remis 2.- Floréu de Remis 3.- Diana floriada de Veriña 4.- Fandangu puntiáu 5.- Muñeira Barganaz 6.- Xota’l Centru 7.- Baille ´l Centru 8.- Alborada’l paxarín 9.- Xota l’Oriente 10.- Carretera d’Avilés 11.- Saltón 12.- Xiringüelu Remis 5.- La fecha tope pa la receición de les inscripciones ye’l día 30 d´agostu a les 12:00 hores. 6.- La rellación de participantes fadráse pública’l día 1 de setiembre, nun actu abiertu al públicu que se va facer nel Teatru Riera de Villaviciosa a les 13:30 hores. Nesti actu va sortease l’orde de participación na preseleición y / o final. 7.- La preseleición o semifinal va facese’l sábadu 3 de setiembre, a partir de les 12:00 hores, en el Teatru Riera de Villaviciosa. Nel casu de que’l númberu de participantes seya mui altu, la preseleición continuará’l mesmu día pela tardi, a la hora qu’afite’l xuráu. 8.- La final del concursu va ser el domingu 11 de setiembre de 2011, a les 20:00 hores, nel teatru Riera de Villaviciosa, nel marcu del Festival Internacional de la Gaita 2011 ( FIG´11) y de les Fiestes del Portal de Villaviciosa. 9.- La non presentación o incomparecencia na preseleición o na final tendrá de ser comunicada cola másima antelación y va trayer consigo la descalificación del concursante. El concursante tendrá de presentase, como mínimo, 60 minutos enantes del entamu, tanto pa la preseleición como pa la final. 10.- Los concursantes han d’emplegar como instrumentu la gaita tradicional asturiana (d’un sólu roncón) en cualesquiera de les sos modalidaes. Tamién ye obligatoriu l’usu del traxe tradicional asturianu, anque sólo na final del concursu. 11.- Afítense los premios que vienen darréu: * 1u .- Gaita asturiana en Sib d´ébanu, donada por Miguel Alonso Cachafeiro, 300 € y troféu * 2u .- 200 € y troféu * 3u .- 100 € y troféu 11.- El Xuráu tará compuestu por tres miembros cualificaos, designaos pola orgnización, y presidíu pol direutor de la Banda de Gaites Villaviciosa o persona na que delegue. 12.- El fallu del Xuráu sedrá inapelable; asina mesmo, resérvase’l drechu a la meyor interpretación d’estes bases, a les que s’obligarán los concursantes pol fechu de formalizar la so inscripción. 13.- Toos los participantes na fase final recibirán la fueya de anotación de cada xuez. Ésta será unviada por corréu en el plazu de 7 diís a la cellebración del concuesu. 14.- El ganador del concursu tendrá que facer una actuación de 15 minutos en un establecimientu collaborador ( 23,00 h. aprox).
