Presentau ayer martes en Capistrano, con puya pública de les obres el 22 de marzu y el 12 d´abril a
IV MUESA ARTISTES POLA OFICIALIDÁ EN VILLAVICIOSA
CONCEYU ABIERTU POLA OFICIALIDÁ EN LA VILLA Del 17 de marzu al 12 d´abril nel Centru Cultural Capistrano. Un acontecimientu inéditu nel mundu de les artes n´asturies que val p´amosar de manera contundente´l respaldu de los artistes asturianos a la reivindicación de la oficialidá. Inauguración martes 18 de marzu a les 19 hores nel Capistrano. Va poder visitase de 9 a 14 hores y de 16,30 a 19,30. Horariu especial esti xueves, vienres y sábadu de 12 a 14 hores y de 18 a 20 hores. Puya pública de les obres el 22 de marzu y el 12 d´abril a les 18 hores. Los resultaos de les puyes van dir destinaos dafechu a financiar les campañes del Conceyu Abiertu pola Oficialidá El actu fue presentau por Fernando Hornosa de Conceyu Abiertu pola oficialidá y Anxel Nava de Foru Arte Ciudá y coordinador de la muesa, que tuvieron acompañaos del soníu de la gaita asturiana, del gaieteru maliayu Aturo Alonso, Turu Tamien taben presentes nel actu. Manuel Busto alcalde de la Villa, representantes municipales y artistas participantes na muesa. 88 artistes asturianes cuelguen les sus obres en Capistrano, entre ellos Bernardo Sanjurjo, Fernando Alba, Ricardo Monjardín, Charo Cimas, Alejandro Mieres o María Jesús Rodríguez, y tamién artistas maliayos como Noé Tuero, Dani Jove, Monchu o Pablo Maojo, entre otros EL COMUNICAU DE PRENSA DE CONCEYU ABIERTU POLAOFICIALIDÁ El Conceyu Abiertu pola Oficialidá vuelve a les sos actividaes pa trabayar pola oficialidá asturiana después de los meses que marcaron un tiempu pal alderique y les propuestes de los partidos políticos. Esta plataforma cívica de más de 250 partidos políticos, sindicatos, entidades y asociaciones de tola sociedá asturiana, evitó tar presente na campaña electoral por considerar que la libertá pa falar una llingua ye un derechu civil que tolos partíos presentes na Xunta Xeneral tienen la obligación de defender nuna sociedá democrática. Después de cuatro años, el procesu de reforma del Estatutu d’Asturies llega a so fase final. Tal paez que la oficialidá ye’l principal obstáculu pal consensu. Por eso volvemos a pidir con firmeza un marcu llegal que garantice la supervivencia del asturianu y el reconocimientu d’un derechu ciudadanu que posibilite que cualesquier persona pueda emplegar la llingua que quiera ensin torgues: falar llibremente’l castellanu y l’asturianu ensin imposiciones nin obligaciones garantizando realmente’l derechu a la educación, les rellaciones coles alministraciones, la presencia nos medios de comunicación y la visibilidad y igualdá nel marcu de les llingües del estáu español. Y esto pidímoslo entendiendo que ye un patrimoniu común de tolos asturianos y asturianes. Nun hai llingües nin más nin menos importantes, pero ¿esta ye la nuestra?. Quien nun firme la oficialidá nel nuevu Estatutu sería corresponsable de: a) Firmar la sentencia de muerte pa la’llingua asturiana. b) Discriminaría a una parte de la ciudadanía negándo-y un derechu. c) Rompería’l principiu d’igualdá de los ciudadanos de dos maneres: una, dientro d’Asturies, ente los falantes d’asturianu respecto a los falantes de castellanu; otra, fuera d’Asturies, de los asturianos respecto a los derechos que tienen los ciudadanos de les demás comunidaes con llingua propia. d) Frustaría la posibilidá d’un estatutu pa tolos asturianos, falen la llingua que falen y seyan d’onde seyan. Pa toles persones que viven n’Asturies. Asturianos somos toos y l’estatutu tien que ser fonte de derechos y non pa negalos. Por eso facemos un llamáu a la responsabilidá de los partíos políticos y a la so voluntá p’algamar el consensu. Sobre manera, y por se el partíu mayoritariu n’Asturies, llamamos al PSOE y a tolos socialistas a modificar la so posición. Lo contrario será negar derechos fundamentales a los ciudadanos que gobiernen y condenar a morrer a un patrimoniu milenariu. Pa más información puen llamar a Fernando Ornosa (605176482)
