Como n'años anteriores, la Comarca de la Sidra sumase a la celebración del día del Día de les Lletres Asturianes  col yá tradicional repartu de lletres de pan, que van acompañaes d'un vocabulariu y d'un poema de la escritora Lourdes Álvarez Esta iniciativa entamóla nel añu 2004 l'asociación maliaya "La Compaña del Ronchel", pal ámbitu del conceyu de Villaviciosa, y posteriormente'l Serviciu de Normalización llingüística de la Comarca de la Sidra ampliólo a los otros cinco conceyos que formen la Mancomunidá.   

      Les lletres de pan, un total de 2.800, acompañaes pola tarxeta conmemorativa, repartiranse per escueles, institutos y biblioteques de la comarca na mañana d'esti vienres 9 de mayu, día de les lletres asturianes, celebraes con diversos actos per toa Asturies.