El conceyu de Villaviciosa ssumóse un añu más a la riestra de celebraciones que a lo llargo de la xeografía asturiana conmemoren la Selmana de les Lletres Asturianes, que llega con esta a la so edición númberu cuarenta. Amás del yá tradicional repartu de les lletres de pan el vienres 3 de mayu, Día de les Lletres Asturianes, el miércoles 8 de mayu,  la Casona de los Hevia  acoyió  l'actu central de la selmana  en Villaviciosa, onde l'académicu Roberto González Quevedo dió  una charla sobre la historia y funcionamientu de l'Academia de la Llingua Asturiana; l'asociación el Ronchel presentó un númberu nuevu de la so revista Friuz y hubo una muestra y un coloquiu sobre los mazcaraos de Rozaes de recién recuperaos polos vecinos y otra sobre la vestimenta tradicional del país, con especial atencion a la propia del conceyu de Villaviciosa, too ello  fue rematao pola tonada contemporánea del cantante Ún de grao

 Pa la reciella, pola so parte, el vienres 10, tamién na Casona los Hevia, celebraráse una sesión de cuntacuentos n'asturianu a cargu d'Olga Cuervo.

Semeya portada de ‘F R I Ú Z’ Númberu 10

Publicáu ‘F R I Ú Z’ Númberu 10 2019. Periódicu Asociación El Ronchel.

F + R + I + Ú + Z

 La Compaña del Ronchel, asociación cultural maliaya que trabaya pol puxu de la llingua asturiana na Comarca la Sidra, tien el gustu de presentáte  Númberu 10  de la revista

Cordinador: Lluis Portal.- Conseyu redaición: Miguel González Pereda, Xuan Pedrayes, Toño García, Salvador Barro, Marga Solares, Macario Victorero, Rosa Fernández, Senén Rivero, y Mel Riva

Ver publicación completa  en enlace inferior

https://drive.google.com/file/d/1KUsxdpacrCTJhFZGO0exacbJXIBzjVv2/view?usp=sharing