Como en años anteriores “La Compaña del Ronchel”, de Villaviciosa, repartió más de mil “lletres de pan” per colegios y establecimientos comerciales de  Villaviciosa y Colunga,  pa conmemorar  el XXVI  Día de les Lletres Asturianes

Esta iniciativa entamóla nel añu 2004 l’asociación maliaya “La Compaña del Ronchel”.   N’esta semeya, Lluis Portal y Xuan Pedrayes repartiendo lletres, expliquen,  “Ye una actuación que vien contando con gran aceptación desde’l so entamu y a la que se pretende da-y continuidá, como forma de promoción del día de les lletres asturianes a nivel comarcal, y de revalorización de la nuestra historia lliteraria.

          Esti añu, les lletres lleven una reseña pa  homenaxar a nuestru diccionariu, que vos ponemos a continuación:

XXXVI Día de les Lletres Asturianes – Villaviciosa, 8 de mayu de 2015

EL NUESTRU DICCIONARIU

Bable, el: Sust. Asturianu, llingua d’Asturies

Balagar, el: Sust. Montón que se fai con yerba, con paya pa protexelo del agua

Balandrá: Ax. Desdexáu, xalapastrosu

Bardial, el: Sust. Sitiu con muchos escayos, artos y otres plantes

Bayura, la: Sust. Riqueza, contidá grande de daqué

Bígaru, el: Sust. Nassa reticulata, moluscu marín, de cáscara pequeña y picuda asemejada a la del cascoxu

Blinga, la: Sust. Tira de madera, delgada y cimble, que s’emplega pa facer cestos, banastres

Bolicha, la: Sust. Bola pequeña qu’usen los ñeños pa xugar

Bocói, el: Sust. Tonel grande de madera

Boquiar: V. Boquexar, abrir la boca repeties vegaes por tar afogándose, por tar morriendo

Boroña, la: Sust. Pastia fecho con fariña de maíz. Pan de maíz

Borrina, la: Sust. Masa de vapor d’agua en condensación que s’acumula al ras de la tierra o de la mar.

Brixel, el: Sust. Rede pa pescar truchas

Bruxu, -a, -o: Adx, Cuciu, picardiosu. Mala, que nun tien virtudes morales, que busca perjudicar a una persona

Busbús, el: Sust. Aición y efeutu de burbusar. Ruiu