Los alcuentros col autor de los talleres de llectura n'asturianu de Villaviciosa, qu'entama'l Serviciu de Normalización Llingüística de la Comarca de la sidra, acueyen esti próximu xueves, 3 de marzu, a les 18:30 hores, nel salón d'actos del centru cultural Capistrano de Villaviciosa, al escritor, críticu y estudiosu de la lliteratura asturiana Antón García, que vendrá a falar al rodiu de la so última novela, 'Crónica de la lluz y la solombra', cola qu'algamó'l premiu Xosefa Xovellanos de novela na so edición de 2014.

Antón García (Tuña, Tinéu, 1960), tien publicaes, amás d'esta, les noveles 'El viaxe' (1988) y 'Díes de muncho' (1998), colos que yá ganara'l Xosefa Xovellanos n'anteriores ediciones. Tamién algamó'l Teodoro Cuesta de poesía y otros como'l de la Crítica d'Asturies o'l Fernandez, axuntando la so poesía completa nel volumen 'La mirada aliella (2007). Nesta última publicación recrea un crimen real cometíu en 1987, asina como'l posterior procesu xudicial y execución, la última que se realizó en plaza pública na historia d'Asturies.