El númberu nuevu de la revista 'CULTURES. Revista asturiana de cultura', va presentase na Casa los Hevia de Villaviciosa'l próximu xueves 18 d'abril, a les 20:00. La revista, que va yá pol so númberu 19, ye la publicación periódica que l'academia de la llingua centrada en cuestiones etnográfiques y antropolóxiques; y nésti últimu númeru inclúi, amás,  dos artículos dedicaos al conceyu, 'Catálogu de los oratorios en conceyu Villaviciosa', de Xuan Pedrayes Obaya, y 'Vezos y creyencies en conceyu Villaviciosa' de Carme Pedrayes Toyos.

 Van tar presentes nel actu estos dos autores, acompañando al director de la revista l'antropólogu Roberto González Quevedo. L'actu inclúise dientro de les actividaes que'l conceyu tien previstes de cara a la 37 Selmana de les Lletres asturianes, qu'incluyen el repartu de lletres de pan de l'asociación La Compaña del Ronchel, la representación de la obra teatral Xuanón Namoráu y la presentación del Premiu Alfonso Iglesias de cómic 2015.