Como n'años anteriores, la Comarca de la Sidra súmase a la celebración del día del Día de les Lletres Asturianes  col yá tradicional repartu de lletres de pan, que van acompañaes d'un vocabulariu y d'un fragmentu de la lletra de Los Fayeos de Mayu, consideráu el meyor cantar de la historia de la música asturiana y de la que ye autor Igor Medio, músicu y dibuxante tráxicamente fallecíu en 2006 n'accidente de tráficu.

Esta iniciativa entamóla nel añu 2004 l'asociación maliaya "La Compaña del Ronchel", pal ámbitu del conceyu de Villaviciosa, y desde va años collabora'l Serviciu de Normalización llingüística de la Comarca de la Sidra, ampliandola a los seis conceyos que formen la Mancomunidá.

Les lletres de pan, un total de 2.400, acompañaes pola tarxeta conmemorativa, repartiránse per escueles, institutos, cases de cultura, ayuntamientos y establecimientos de la comarca esti vienres 6 de mayu.