La escritora y presentadora Vanessa Gutiérrez tará esti miércoles, 20 de marzu, nel Salón d'actos del Centru Cultural Capistrano de Villaviciosa, dientro de los alcuentros col autor que tienen llugar nel taller de llectura n'asturianu de Villaviciosa.

Vanessa Gutiérrez (Urbiés, 1980) ye presentadora del programa de televisión Pieces, na TPA, y autora, a pesar de la so mocedá, de los poemarios como "Onde seca l'agua", "La danza la Yedra", y de los llibros en prosa "El país del silenciu", en comuña con Beatriz R. Viado, "Les palabres que te mando" y, más recientemente, "La Cama", llibru del que vendrá a falar nel taller de Villaviciosa, aparte del restu de la so obra y del so oficiu d'escritora en xeneral.