Villaviciosa está presta para la celebración  de la Semana Santa. Durante el mes de marzo es manifiesta la preparación religiosa en diversos actos. Y es muy apreciable el trabajo de los responsables de la Cofradía de Jesús Nazareno. Una cofradía que viene manteniendo los actos propios de la Semana Mayor desde hace más de trescientos años.

En la tarde de este viernes se inauguró oficialmente la Semana Santa de Villaviciosa con  el pregón, la entrega de premios del concurso de  pintura infantil y un  concierto de la Coral Capilla de la Torre. El teatro Riera ha sido el escenario de estos actos.

                                                                   .                                                                             

Pregón de Lluis Portal Hevia,  de la Semana Santa de Villaviciosa 2013

L O S  X U D Í O S

Buenes tardes.

        Quiero agradecer a la Cofradía del Nazarenu, y especialmente al so mayordomu Nicolás Rodríguez, l'amable invitación pa participar nesti actu de presentación de la Semana Santa.

        Una Semana Santa, la de Villaviciosa, con 345 años d'historia continuada, lo cual ye un orguyu pa esta Villa. A diferiencia del restu d'Asturies que prescindió mui pronto de tales tradiciones, y que más recientemente fueron recuperaes, copiando en dellos casos d'otros sitios que nun tienen nada que ver con Asturies nin cola filiación de la pasión nel norte penínsular, como mui bien comentaba hai unos dis na prensa'l mayordomu de la Cofradía.

        En dellos pueblos asturianos la Semana Santa fue perdiendo fuelle nos últimos 150 años, aproximadamente, hasta desapaecer dafechu col Conciliu Vaticanu II y los nuevos tiempos qu'aportaben, a mediaos del siglu xx. La idea de modernización de los estamentos de la Iglesia, confundiéronse con una visión escesivamente cerrada de la sociedá na que pervivín costumbres seculares. Equí tamién hubo momentos críticos nos años 60, en que prácticamente nun había xente que llevaren los estandartes, nin los pasos, había que salir a buscalos pa garantizar que pudiera salir la procesión.

        Anque nun ye´l momentu de facer una crítica a la xente que se dexaba llevar de les nueves tendencies, inclusu dientro de la Iglesia, hai que dicir qu'hubo cures y alcaldes contrarios a diches procesiones. Ye xusto, y necesario apuntar a los responsables de la Cofradía que se mantuvieron firmes na so postura de defensa de la Semana Santa de Villaviciosa. En esti sentíu hai que citar a les distintes directives de la Cofradía, y, sobre tou a un mayordomu: Ángel Hevia.

        Pues como dicía, en dellos pueblos fueron perdiéndonse rápidamente eses señes d'identidá. Esti ye'l casu de la industriosa y republicana ciudá de Xixón, una normativa municipal prohibía que hacia 1880, na nueche del Xueves al Viernes Santu, aprovechando la escuridá que dexaben les veles amataes, la xente facía un ruíu estrepitosu coles carraques y pegaba nes pares de les ilesies con galgues y reyones. Por esa razón l'Ilustrísimu Ayuntamientu vecín -metiéndose nuna competencia que nun-y yera propia- prohíbe terminantemente esta 'horrible' costumbre que consideraba 'bárbara'. Nun consideraba 'bárbara', sin embargu, les sangrientes corríes de toros en El Bibio, que per aquella fecha estaben nel so meyor momentu.

        Tamién prohibe tamién calzar madreñes -inclusu n'inviernu- en tou'l perimetru de la ciudá, con munches protestes públiques por ciertu, qu'unes bones madreñes d'umeru o de bedul duren más que'l meyor calzáu.

        Na Villa consentínse les madreñes, más que nada ferraes, porque'l ruíu del calzáu nes baldoses del Güevu, los miércoles de mercáu, bien tempranín, yeren chirriantes según dicín los vecinos d'esta plaza. Un cronista maliayu indicaba que'l madrugador gaiteru de Llugás, José Vega, el Ratu la Madrera, andaba, cíngole-zángole con unes madreñes con clavos nos zancos.

        Nesta Villa, que guarda meyor que naide les tradiciones, los pasos salieron siempre o casi siempre -quitando dalgún añu de la guerra, más que nada porque nun esistíen los pasos- hasta l'actualidá, en que recobra plena autenticidá baxu distintos mandatos, incluíu l'actual de la Cofradía que-y dan un espaciu más ampliu y más dignu a la celebración.

        De toes maneres tamién ye verdá qu'equí en Villaviciosa hubo, na etapa reciente, coses que se fueron perdiendo pel camín, y que formen parte de los nuestros recuerdos.

        -Así, nun hai munchu, a plenu día, salín dos ñeños con una Matraca

-d'aprosimadamente70 cmde llarga x 40 de ancha y 20 de gruesa, con dos aldabes enrriba y otres dos debaxu- pela calle'l Sol y l'Agua, dando-y con fuerza alantre y atrás, poniendo-y una nota sonora diferente a la nuestra Semana Santa; desgraciadamente, conservándose al parecer, perfeutamente, el instrumentu musical, ya hai tiempu que nun sal a la lluz y nun se sabe mui bien porqué; habrá dalgún motivu. Xunto a la matraca tradicional, más grande, había otres pequeñes, dalguna pintada de purpurina.

        -Matar los Xudíos. Matar los Xudíos tenía fonda tradición y arraigu local, llamábase tamién Matar los Pecaos, o l'Oficiu de les Tiniebles, el diccionariu Espasa habla d'un "terremotu al final de les Tiniebles"; pero nel ámbitu local llamóse siempre a eso Matar los Xudíos -así como suena- que-y da especial dramatismu al casu porque nos remite al principiu del cristianismu.

        Yo vivía aquella circunstacia de forma -involuntariamente- especial. Una tía-güela mía -qu'acaba de cumplir 101 años- comprábame cada añu, na década de los 70, una navayuca pequeña de pocu más de diez centímetros, y dicíame siempre con cierta reserva: "Llévala contigo, ye pa Matar los Xudíos". A mi un guajucu mocosu, y, pamidea, ensin munchu instintu asesín, parecíame una gran responsabilidá tener que matar a daquién. Pero bueno, a eso díbamos ellí y yo como miembru -podríamos dicir alevín- de la Cofradía del Nazarenu, sabía que la tradición yera la tradición, y equí en La Villa eses son palabres mayores.

        Cuando salín les figures de los pasos, y se ponín nel cabildru la iglesia, miraba de regüeyu a los dos pasos de los hebreos, La flagelación y La coronación d'espines -que dicen que son pasos secundarios de la Semana Santa, en relación colos principales: El Nazarenu, La Dolorosa, La Madalena..., pero pa mi yeren (dígolo con tou el respetu) tamién de los principales-. Viéndolos poníame nerviosu, cola mano aferrando a aquella terrible navaya -había crecío nunos momentos nel bolsu del pantalón, pesaba más qu'una bayesta medieval-, miraba haber si la xente empuñaba dalgún arma y, ante la falta d'un linchamientu públicu a los Xudíos, sentíame un pocu más relaxáu, "seguro-yos cutirán mas tardi, reservadamente" -pensaba yo.

        En tiempos de Ramón Rivero -40 años antes- la xente yera más vil; diz Rivero que los vecinos de La Villa maltrataben a los Xudíos, y dicín les madres a los rapacinos: "Escúpilos rapaz, que mataren a Cristo".

        L'autor de los vieyos Xudíos -desaparecíos nos años 30- fue Antonio de Borja (1661-1730), un imaxineru llevantín, emparentáu cola familia de los Concha, razón pola que se treslladó de Xixón al Palaciu de la Torre, en Niévares y disfrutó del so mecenazgu. Ellí fizo un San Antonio y un San Rafael pa La Oliva y pa otres iglesies del arciprestazgu. Fue l'encargáu de la conservación del templu de San Pedro en Cimavilla, y de los pasos de Semana Santa, mui parecíos a los maliayeses, que desgraciadamente tamién sucumbieron durante la guerra. Trabayó, igualmente, pal Gremiu de Mareantes. Creó escuela na Villa y tuvo discípulos, dalgún d'ellos de Breceña, onde fue pasando de padres a fíos l'afición santera, yera una familia conocía como "Los Santeros".

        Esto ye corroborao por Fabriciano González, 'Fabricio', médicu, gran poeta en bable, cronista oficial de Xixón dempués de la guerra. Diz, en un artículu en prensa sobre la SS lo siguiente: "La riqueza estatuaria de Gijón data del último tercio del siglo XVII y principios del XVIII, en el que florecieron; Borja se estableció en Gijón, casándose con Manuela de la Concha, hija de D. Diego, regidor perpetuo de Villaviciosa".

        Igualmente, el xixonés Cean Bermúdez, director de l'Academia de San Fernando, señala les abundantes obres que fizo nel Principáu y na so ciudá, destacando los pasos de los Xudíos "de un tipicismo personal y personalísimo en figura e indumentaria que el artista esculpió eligiendo para modelos -de los Xudíos- pescadores y marineros de Cimavilla, bien conocidos de la gente antigua por sus apodos marisqueros y su fealdad congénita".

        En La Villa fizo, como diximos, los mal llamaos pasos de los Xudíos yeren El Xudíu Mayor y el Ñarigón, Los Canterinos y el pasu de Llonxinos, creaos al parecer a finales del XVII, y desaparecíos totalmente cuando la guerra civil. Nel primeru d'ellos aparecía así, con esi nombre, nes postales y nel usu de la xente: el Xudíu Mayor pegándo-y a Cristo con una verdiasca n'altu, y el segundu, el Ñarigón con una rodiella en tierra y la mano pegada a la cara, faciendo-y burlla, bien parecía que yera un apéndiz de la ñariz, y por eso lo de Ñarigón, pero en realidá aquel home tenía les ñarizuques chates y pequeñes; había que reparar bien pa estremalo. Pero a lo que vamos, los dos Xudíos nun yeren realmente Xudíos, yeren romanos, soldaos romanos vistíos como romanos, qu'ensin nengún tipu de rubor, pegaben y maltrataben a Cristo.

        Dicía Ramón Rivero -en Memorias de un Cofrade Nazareno, que permanez inéditu, hasta la publicación de la obra completa de Rivero que prepara nesti momentu Miguel González Pereda- que'l Xudíu Mayor fue fechu con una rolla de castañal, traía d'un castañéu de Tornón. Yera de mui elevada estatura y un aspectu brutal; tenía un dentame "meyor qu'el carnívoru d'un perru presa", diz Rivero utilizando palabres grueses, y una ñarizona "como'l corte d'una pica desmangada". Les sos piernones "al veles tendíes na arena separaes del troncu, daría la sensación de ser les ruines de Palmira".

        Así terminó él, parando'l tráficu nel Puentón de la Nozalera, xuntu a Les Colomines, durante la guerra civil. El Xudíu de la rolla de castañal tenía'l brazu llevantáu -seguramente por eso-yos fizo gracia a dellos republicanos-, y los coches paraben mientres el milicianu salia del confesionariu que-y servía de garita. Fue la última vez que lu vieron con 'vida', ente comilles, n'octubre de 1937.   

        El pasu de Llonxinos -así se lu conocía popularmente- pasaba más desapercibíu. Llonxinos, na vasta imaxinería de la época, permanecía a caballu, coles pates d'alantre llevantaes, clavándo-y a Cristo una llanza. Semeyante iconografía solo podía ser obra d'un hebréu, pero non, aquel home yera tamién un soldáu romanu. Y los dos de Los Canterinos esactamente igual.

        Lo de Matar los Xudíos ocurría siempre dempués de la muerte de Cristo, en cuantes que´l cura mataba la última vela del tenebrariu, entamaba'l ruíu. En Villaviciosa, a mitada la misa, namás cantar el gloria, dos rapazos pañaben la matraca y empenzaben a ximielgala pel templu, causando un gran estrueldu. La matraca usábase más que nada p'anunciar los distintos oficios y sacábase a la calle -como antes indicaba- media hora antes d'entamar les procesiones...

                En Llugás, según Agustín Hevia, tamién había matraques, más

        pequeñes que la de La Villa; yeren tocaes per una sola persona

        garrándoles pelos estremos coles dos manes. Según Hevia les

        matraques en Llugás ya desaparecieren cuando la guerra.

        Pero les más populares, y fáciles de facer, son les carraques. Estos aparatos, son instrumentos de percusión, con una o dos llengüetes, en que tropieza una rueda dentada que se fai xirar per mediu d'un rabil. Mercábense na feria que se facía na cuesta de Santa Clara, durante la Semana Santa, nel Mercáu de los Gochos; pero tamién s'iguaben caseres, anque fueran de cañavera. Usáronse pa matar los Xudíos hasta fai, aprosimadamente, cincuenta años. De toes maneres, hasta hai pocu tiempu había un artesanu de la madera en Villaviciosa, Manuel Fernández Moreno, que les facía pa vender a los turistes. Nos pueblos tamién queda xente que tovía les fai.

        Les carraques tocábense al tiempu que, en delles parroquies, se saltaba sobre les llábanes del cabildru. La xente mayor daba puñaes nes parés, nos bancos... Los rapazones de Bozanes cortaben unes galgues bien gordes, y facín bon estropiciu d'elles na iglesia d'Amandi; ellí paliábense los poyos, la panda del cabildru y les parés. En Llugás dábase colos palos nel confesionariu; presidía el templu -ya fai munchos años- un llenzu colgáu de la paré con una escena de los Xudíos. En Tornón les carraques llamábense ronquielles. En Valdebárcena pegaben con bárganes nos poyos de San Andrés hasta desfacelos y coles estielles prendín un fueu onden calentaben l'agua pa la iglesia.

        Antiguamente, según nos cuenta Carlos Ciaño Canto -nel llibru Costumbres y tradiciones asturianas, publicáu en L'Habana en 1925-, na parroquial de La Villa -daquella en La Oliva-, amontonábense, metanos del templu, unos gruesos maderos que, cuando se mataba la última vela del tenebrariu y el cura facía la señal yeren paliaos per "un batallón infantil -diz Ciaño- provistu d'enormes garrotes que descargaba tan bárbara y sostenida lluvia de garrotazos sobre los maderos que maderos y garrotes quedaben fechos una llaceria".

        Amás d'estes formes convencionales de carraques, había polo menos en dos parroquies del conceyu, en Llugás y en Samartín del Mar, dos artiluxos grandes de madera que se denominaben 'Máquines de Matar Xudíos'. Yeren carraques enormes que tenín una base de madera p'apoyales nel suelu, y un rabil pa faceles sonar. Dalgún vecín vieyu de Llugás recuerda a Melón el del Pitu tocando aquella carraca nel cabildru de la iglesia.

        Otra d'estes pieces consérvase nel pueblu de Lliñeru, en Samartín; digo que se conserva por que por suerte tovía la guarden, en perfeutu estáu, la familia de Cirilo García, el carpinteru de ribera de la Ría de Llinares que la construyó. Mide d'altu 82'5 cmy 13 cmd'anchu, la base de madera ye una tabla rectangular de 47x24 cm. Tien la carraca un daqué entornáu hacia alantre a fin de facilitar la xera de da-y al rabil más cómodamente. Calcúlase-y una antigüedá aprosimada de 120 años... Nengún vecín del pueblu la oyó tañer nunca na iglesia parroquial de Samartín. Na so parte delantera conserva, parcialmente, un lletreru orixinal nel que l'enigmáticu aparatu pon el so nombre: 'Máquina de matar xudíos'.

        Pero lo de Matar Xudíos nun yera una práctica esclusiva d'equí nin munchu menos, n'Aragón, Cantabria o Lleón, y especialmente na parte norte penínsular, realizábase o realízase esta practica. En Puebla de Castro (Güesca), conservábase una curiosa costumbre, el Xueves Santu unes persones que facín de xudíos entraben na iglesia y trancábense dientro. El pueblu perseguidor apedrea la puerta, forzándola violentamente y, finalmente, entra, simulando la muerte de los xudíos, destrozaben a golpes los primeros bancos del templu con piedres y hachos.

        Esti vezu evolucionó hacia otru más moderáu. Na iglesia cantábase´l miserere, al términu apagábense toles veles, solu permanecía encesa la del sacristán onde se guardaben escondíos los xudíos, dexando el templu a escures. Nesi momentu españaben los aplausos y golpes nos bancos, simulando la muerte de los xudíos. El silenciu llegaba cuando'l cura salía de nueves de la sacristía, cola palmatoria, y llegaba a la mitada del templu, llevando a la so espalda, en filera, a los xudíos que llevaben cabeza gacha en señal d'arrepentimientu.

        En Sabero, al norte de Lleón, 'matar un xudíu' ye beber un vasu de sangría de vino. Nel Bierzu relaciónase con beber 'llimonada'; nuna bodega soterrania hai una especie de grandes cubes de madera mézclase una xusta midida d'agua, el zúcare, los figos, unes uves pases, naranxes y canela en rama -qu'inundaba la bodega d'un olor duce y especiáu- y, a veces, tamién plátanos -anque enturbia n'escesu-. Así en reposu y maceración quedaba preparao p'alpenzar a 'matar xudíos'. 

        Cuenten que na Edá Media xuntábase la xente na plaza de la catedral de Lleón, daquién preguntaba a los presentes que quién había matao a Cristo, y los concentraos respondín a coru: "Los xudíos", y armaos con palos y preseos de llabranza avanzaben, amenazantes, hacia'l barriu xudíu de Santana, onde los pocos hebreos qu´había, apavoriaos, encerrábense nes cases.  

        Anque nun tenga muchu que ver cola Semana Santa hai que dicir que les carraques tenín otros usos, por exemplu como xuegu pa los ñeños, y como forma d'espantar les alimañes nes tierres de llabor. Concretamente na llomba de Bedriñana, solía salir antiguamente la xente coles carraques a los campos pa espantar mayormente a los páxaros y otres gafures como mui bien recordaba Antón Alonso García, el muñidor de la Cofradía ya fallecíu. Esti vezu nun ye, de toes maneres, privativu de Villaviciosa.

Munches gracies.

PINCHA EN ESTE ENLACE PARA VER LAS FOTOS DEL PREGON, gracias a Víctor Manuel Asperilla

A continuación de las fotos de Asperilla añadimos nuevas fotos que nos envía José Villariño

https://plus.google.com/photos/110763554275591026951/albums/5858278096776459089

Entrega de Premios del 5º Concurso de Dibujo Infantil de la Cofradía Jesús Nazareno de Villaviciosa

Un total de 331 fueron los jóvenes que participaron en esta actividad, principalmente del Colegio San Rafael y Colegio Maliayo de Villaviciosa, y también en esta ocasión algún niño de fuera de Villaviciosa, durante el plazo de presentación de dibujos que estuvo abierto entre el 6 de Febrero y el 8 de Marzo.

El jurado estuvo formado por dos personas relacionadas con el mundo de la pintura, Humberto Alonso y José Cuadra Sánchez; y Luis (falta el apellido) como representante dela Cofradía. Losmiembros del jurado calificaron las obras y seleccionaron los premiados en cada categoría que fueron los siguientes:

   Categoría                           1º Premio                                                   2º Premio

 2º y 3º Educ. Infantil     Valeria González Tricolici                         Celia Agüera

1º y 2º  Primaria             Hugo Gutiérrez                                          Iker Argüelles 

3º y 4º  Primaria             Denís Felgueres Álvarez                          Ana Rodríguez

5º y 6º  Primaria             Mónica Fernández                     Eloy Sevares Madrera y Paula Ovín Loredo

El primer premio de cada categoría consiste en material escolar, diploma de reconocimiento y la publicación del dibujo en el porfolio del próximo año. A los segundos premiados, se le hará entrega de material escolar. Además, todos los dibujos participantes serán exhibidos en un local de Villaviciosa.

SEMANA SANTA DE VILLAVICIOSA 2013

PROGRAMA DE ACTOS

VIERNES, 22 DE MARZO

19,00 h. Rosario y Novena

19,30 h. Funeral por los Cofrades fallecidos

20,30 h. Teatro Riera – Pregón de la Semana Santa a cargo de D. Lluis Portal Hevia y a continuación concierto de la Coral “Capilla de la Torre”

SABADO, 23 DE MARZO

11,00 A13,00 h. Salón Parroquial – Inscripción de los niños que quieran participar en las procesiones

19,30 h. Iglesia Parroquial – Rosario y Novena

20,00 h. Iglesia Parroquial – Eucaristía

DOMINGO, 24 DE MARZO

09,00 h. Bendición de los Ramos y Eucaristía en el Monasterio de las Clarisas

12,00 h. Bendición de los Ramos en la Plaza de Obdulio Fernández, procesión y Eucaristía en la Iglesia Parroquial (En caso de lluvia la Bendición de los Ramos se celebrará en la Parroquia a las 12,30 h.)

LUNES SANTO, 25 DE MARZO

20,00 h. Iglesia de las Clarisas – Eucaristía

20,30 h. Iglesia de las Clarisas – Concierto “Coral Capilla de la Torre”

MARTES SANTO, 26 DE MARZO

20,00 h. Iglesia de las Clarisas – Eucaristía

21,30 h. Iglesia Parroquial – Procesión del Silencio

MIERCOLES SANTO, 27 DE MARZO

20,00 h. Iglesia de las Clarisas – Eucaristía

20,45 h. Iglesia Parroquial – Acompañamiento de las imágenes hasta la Plaza del Ancho, donde tendrá lugar el Sermón del Encuentro

JUEVES SANTO, 28 DE MARZO

17,30 h. Iglesia de las Clarisas – Eucaristía de la Cena del Señor

19,00 h. Iglesia Parroquial – Eucaristía de la Cena del Señor

20,45 h. Iglesia Parroquial – Procesión del Calvario

23,00 h. Iglesia de las Clarisas – Hora Santa

Acompañamiento Musical: Banda de cornetas y tambores “Stella Maris” (Santander)

VIERNES SANTO, 29 DE MARZO

12,30 h. Iglesia Parroquial – Celebración litúrgica de la Muerte del Señor

16,00 h. Iglesia de las Clarisas – Celebración litúrgica de la Muerte del Señor

20,00 h. Iglesia Parroquial – Sermón del Desenclavo y Procesión del Santo Entierro

Acompañamiento Musical: Banda del Regimiento Príncipe Nº III y Banda de cornetas y tambores “Stella Maris” (Santander)

SABADO SANTO, 30 DE MARZO

08,00 h. Iglesia Parroquial – Rosario de la Soledad

08,30 h. Iglesia Parroquial – Procesión de la Soledad

Noche culminante: Vigilia Pascual – Celebración cumbre del Año Litúgico

22,00 h. Iglesia Parroquial – Celebración Vigilia Pascual

Acompañamiento Musical: Coral “Capilla de la Torre” (Villaviciosa)

DOMINGO DE RESURRECCIÓN, 31 DE MARZO

11,00 h. Iglesia de las Clarisas – Solemne Eucaristía de Pascua

12,15 h. Iglesia Parroquial – Procesión del Resucitado con María, al finalizar Solemne Eucaristía de Pascua

Acompañamiento Musical: Banda Gaitas de Villaviciosa “El Gaitero”