Graciano García, nombrado en Villaviciosa, Patrono de Honor de la Fundación Caveda y Nava por su lab
- - - La Fundación Caveda y Nava nombró este año Patrono de Honor al periodista Graciano García, conocido por ser fundador de la revista Asturias Semanal y director de la Fundación Príncipe de Asturias desde su fundación hasta 2009. El acto se celebró este sábado, día 20 de noviembre. En una nota prensa, la entidad ha recordado que ‘Graciano García, periodista de profesión, fundó en los años setenta la revista Asturias Semanal’, donde empezó a aparecer la sección 'Conceyu Bable' ‘que tanta importancia tuvo a la hora de darle un nuevo impulso a la normalización del asturiano’. ‘Tiempo después, ya como responsable de la Fundación Príncipe, Graciano García puso a nuestro país en el mapa internacional y acertó a la hora de prestigiar institucionalmente elementos tan simbólicos de nuestra identidad como el himno’, añade. Así, la nota explica que ‘con su nombramiento como Patrono de Honor pretendemos reconocer estos méritos y contar con su complicidad para que ese camino de prestigio institucional incluya también a nuestro idioma’. La jornada como siempre se celebró en Villaviciosa. A las doce y media se hizo ante la domicilio natal de Xosé Caveda y Nava el habitual homenaje floral. Después, en la sede de la Fundación Cardín se dió acogida al nuevo Patrono de Honor. ******************************************************************** LAS PALABRAS DE ETELVINO GONZALEZ LOPEZ A GRACIANO GARCÍA GARCÍA EN EL NOMBRAMIENTO COMO PATRONU D’HONOR DE LA FUNDACIÓN CAVEDA Y NAVA Excelentísimu señor don Graciano García, Doña María José Cervero, esposa Señores Patrones y Patronos, Autoridaes y Collacios: 1.- La Fundación Caveda y Nava tien el gustu de acoyer con tolos honores como el só patronu a ún de los asturianos de mayor relieve de los nuestros dís. Don Graciano García, periodista de profesión, fundó nos años setenta Ediciones Naranco y nella la revista Asturias Semanal. Nesta publicación empezó apaecer la sección Conceyu Bable que tanta importancia tuvo a la hora de da-y un nuevu puxu a la normalización del asturianu. Suyes son iniciatives como Ediciones Nobel, la revista Clarín, el Premiu Jovellanos. Y la Fundación Principe de Asturias. Ya como responsable de la Fundación, don Graciano García punxo’l nuestru país nel mapa internacional colos Premios y acertó a la hora de prestixar istitucionalmente elementos tan simbólicos de la nuestra identidá como l’himnu. Y amestamos: Si Don Felipe utilizó de primeres la llingua asturiana que definió como ‘un tesoro de vuestra cultura en el que expresáis las más profundas y entrañables emociones’, ensin dudalo detrás de eses apreciaciones del Príncipe taba cerque el conseyu de don Graciano. Asina lo percibimos al oyilo en Valdediós y nun se pue escaecer aquel día lluviosu d’ochobre de 1991. La revista Cubera señaló, creo que con tinu: ‘Les palabres del Príncipe son bocanaes d’aire frescu pa tolos qu’enaguamos por que la cultura asturiana tenga el sitiu que se merez nel corazón y na realidá de tolos dís de los asturianos. Eses palabres valen, al pesu, más que cien medalles imperiales d’oru macizo’. Ensin dudalo, aquel primer respaldu viniendo de tan alta istancia, foi un saltu nel procesu de creditación social de la nuestra llingua. Un fuelgu de gran valir. Col so nomamientu como Patronu d’Honor pretendemos reconoce-y los méritos y, sinceramente, contar cola so complicidá pa recorrer con nos el camín del prestixu social del nuestru idioma. 2.- Esti nomamientu vien a sumase a delles incorporaciones de persones ilustres que, n’años pasaos, fueren a incorporase al nuestru patronatu honoríficu. Cuatru descendientes de don Xosé Caveda y Nava: Dña. María Teresa Restegui Caveda D. Gabriel del Campo Restegui Dña María Antonio del Campo Restegui Dña. Carmen del Campo Restegui. D. Gabino Díaz Merchán (Arzobispu d’Uviéu) D. Emilio Marcos Vallaure (Director del Muséu de Belles Artes d’Asturies) Dña Carmen Ruiz-Tilve (Cronista oficial d’Uviéu) Dña Paloma Uría Ríu (Diputada na Xunta Xeneral) Dña Merecedes Fernández Pardo (Presidente del Partíu Popular de Xixón) D. Hugo Morán (Presidente de la Federación Asturiana de Conceyos) D. Enrique Castro Quini (Futbolista internacional) D. Vicente Gotor Santamarina (Rector de la Universidá d’Uviéu) A esta triba, a mou de Senau de la Fundación, sentimos el honor de sumar un nueu patronu. Ponderar equí agora la trayeutoria -anantes resumía- de don Graciano sería ocioso porque de toos ye conocía y admirada, y sería hasta pretencioso porque requier desplicaciones, tantes que diben ser de muncha pedricazaña. A min paezme que too queda dicho nesti sucedíu. Páralu un paisanín na cai n’Uvieu y diz-y: ‘Usté a min nun me conoz pero yo a usté sí; anque vivo mui lloñe d’Asturies sé lo que fizo pola nuestra tierra y por España colos Premios. Usté ya tá na historia. Por eso los que viven equí tienen que cuidalu como especie protexida, más que al urogallu y al osu’. Recoyendo ensin retruque la sentencia del paisanu, daqué debemos decir que sirva de síntesis valorativa de un currículu tan preñau de realidaes. Pero tamién ye verdá que la sociedá-y lo va reconociendo; testimoniu d’ello son les dos docenes de medalles y distinciones, la más notoria la Gran Cruz de Carlos III que fai poco-y concedió la so Maxestá del Rei. 3.- L’INTRA-HOME UNAMUNIANU. En toles reseñes de la so biografía reparamos que el redactor quédase n’aquello que podríamos llamar el Graciano de la escena o del ágora. El mesmu paisanu que lu abordaba na cai céntrase neso. Pretendo equí y agora aprosimame a aquello que nomaba Unamuno ‘el intra-hombre, el hombre de dentro’, esi intra-home, creativu y cordial, que se desempeña nel foru en conductes observables y con sistema de valores deducibles. Permitíime xurgar nel Graciano de la intrabiografía. Esa que entá nun oyimos a naide contar y que fai referencia a la raigame, que tá rellacioná coles actitúes y colos valores. Cualisquier diz que Graciano ye un home imaxinativu. Y ye cierto si queremos decir que eso de imaxinación traduz el calter de la intelixencia creativa que se esparrama en fluir, en flesibilidá, en orixinalidá. Conozo a don Graciano dende fai más de cuarenta años y trabayé dellos so la so batuta. Y pueo decir que tal paez que los sicólogos que definieren la personalidá creativa lu tuvieren delantre a elli. Fluidez en llanzar idees nueves, flexibilidá pa saltar de un tipu de categoría a otru ensin encorsetamientu, orixinalidá, o seya esa cualidá de nun patiao de lo excoxitao. Eses tres notes tien el crear de Graciano. La so personalidá, defínese por aquelles señes, que son de llibru: Una enclina a cuestionar les regles o la autoridá, pa racionalizar la interacción con elles La gueta del cambiu y preste d’ aventuráse en fasteres, en estayes de terra incognita Poro, desapiegu de los conformistes, de los acríticamente sometíos a les normes Desdexu y una cierta desorganización Nun ser persona d’un solu tipu d’aición Ser sociatible colos estraños y nun restrinxíse a grupos determinaos Ser tolerante, consideráu coles les persones en sí y non como partes de un tou. ‘Los endividuos creativos tán poco espuestos a la frustración: afiánzalos la so capacidá de inventar o forxar, de solucionar, de dar iniciatives; los mieos disminuyen; son baxos en agresividá, en dogmatismo’. Tol que heba tenío la ventura de trabayar con elli, de tratálu, de velu actuar pue dar fe d’eses actitúes. Y esta fundación Caveda y Nava, cuyu mayor aporte tá siendo -d’ente toles sos realizaciones- un espíritu de concordia en pro del so fin específicu, siente un palpir de sintonía con Graciano. Pero ... ¿cómo ve elli, dende dientru, les grandes xeres que marquen el so decursu d‘home d’acción? ¿Qué desplicaría elli n’una escritura del yo? Tengo el gustu de ufiertalo güei, acabante de captalo nes sos propies confidencies. ‘La Nueva España -declara- foi la mio universidá cola xente más lliberal y meyores profesionales’. Debemos retener esos valores: primero, Lliberal y segundo, Profesional. Naquel ámbetu el réxime facíalo agobiante y yera un pruyir pola llibertá. Poro, tracéme una línia, como Pizarro. Tercero: Determín. ASTURIAS SEMANAL axunta -sigue elli- xente mozo ensin ascripción, que sólo tien esti envís: pelear pola llibertá, promover la concordia, recuperar los valores qu’el franquismu había machacao culturalmente y suscitar el verdaderu sintíu de la Hestoria de España y de la peculiaridá grandiosa de la nuestra tierra. En resultancia foi: * abellugu o refugiu de persiguíos, * acoyida de los que queríen decir lo que nun-yos dexaben, * escuela de periodistes y políticos. Ahí tá casi too: Xente nuevo, Llucha, Superación d’encuadramientos, Concordia, Recuperación del sintíu de la Hestoria xeneral y de la peculiaridá asturiana en particular. Dempués foi ASTURIAS DIARIO. Que, según elli, ye la continuidá francía pola mediocridá, pol sectarismu y pola falta de visión d’una clase empresarial que nun pescanció que ‘La cultura ye l’ alma de la vida’. Les banderes perdíes recuéyense d’otru mou na FUNDACIÓN. Y equí tengo que evocar aquelles pallabres de Cervantes: ‘No hay contento que se iguale al que se siente al recuperar la libertad perdida’; entoncenes, xunto a esa llibertá recuperada taba el reencuentru na concordia de los españoles. FUNDACIÓN ye la referencia fundamental de la mió vida, desplica: Los sicólogos dicen que les grandes creaciones suelen allegar cuando ún repunta la agresión del mediu. Nacen cuando se producen variables. Cuando salgo del mió mayor fracasu profesional que ye la dirección de Asturias Diario. Esi ye´l momentu, na onda de la transición. La Costitución del 78 asume, a la altor del tiempu, aquellos ideales y les dos istituciones más antigües, que testimonien y afiten la dimensión española d’Asturies: * El Príncipe de Asturias * El Principau na fórmula de la Comunidá Autónoma Eses son les referencies de la Fundación. Pa ella ye clave la autenticidá. Non engañamos. Y si ye respetada ye porque respeta. Practicamos el patriotismu de la llibertá y la concordia. Señores: Recoyíes de la so confidencia, estes son les cualidaes que dan relieve a la semeya espiritual del nuevu patronu. Pero non acabaríamos de retratalu si nun amestáramos otros rasgos, perimportantes. Ye una tríada de actitúes - serviciu, compromisu, llealtá- que correspuenden a un solu Valor, a un exe que se espresa nesta sentencia de Cervantes : ‘Hay que hacer el bien a todos y el mal a nadie’. Esti llector empederníu -Cervantes, recuerda Graciano, coyía los papeles de la cai pa lleelos -, tien como llibros de cabecera, lo más clásico, que ye abondo espresivo del so YO. La Biblia y el Quijote. 4.- ARQUEOLOXÍA DEL YO, en sos palabres. Con esto tá dicho casi too. Pero permitíime caltriar una migayina faciendo eso que podíemos nomar, al mou foucaultianu, arqueoloxía del so calter. ‘Pa educar bien a un neñu ye preciso el concursu de tola tribu”, diz Graciano. Y bien creditao lo atopamos en so casu. Los materiales de los que tá fechu esti home creativu tienen como ye natural un raigame que brevemente vo dexar endicau. Hai una güela, Concepción González Gama, que representa la Resistencia y Tenacidá criando once fíos ensin los recursos a que tamos avezaos nos nuestros tiempos. De ellea quedó-y Graciano, xunto col testimoniu de la resistencia, el envís de la superación: “Nun se pué vivir de un sueldín; hay que crear daqué’ Hai un güelu, Juan García Antuña, el de la Pumarada, que a base de tesón allegó a ser pequeñu propietariu. Y hai otru güelu, David, que cruza la montaña, dende’el so Llangreu natal hasta Moreda y enduz al so hermanu Juan a dir p’allá. David casa con una fia de un maderista ricu, que sería llueu la güela Vicenta. Y nesi ambiente Rodolfo, formáu na academia Ojanguren d’Uvieu y nel San Luis de Pravia, a los veinti años, yera una migayina venturiegu, y toma el determín de dir pa México. De esa aventura de xuventú torna más probe de lo que diba p’allá, pero ricu en cultura, enamoráu de México y guardando tola vida una ayalga, compuesta por una onza d’oru y una pluma de pavu rial. Esi ye el padre de Graciano. Tamos, ye claro, ente xente inquieto, que se mueve, qu’explora, qu’entama. Pero que tamién tesora afeutos, deprendiendo a ‘controlar les emociones’. Como-y decíen en casa: ‘los mineros nun lloren porque les llárimes saben guardales antes de que-yos salten a los güeyos’. Ya que falamos de tiempos primordiales, merez que conseñemos un par de anécdotes. Afición temprana al periodismu: Mió madre fregaba y pa que nun ensucháramos cubría de papel de periódicos el suelu y yo, ensin saber lleer deteníame hores y hores delantre d’ellos, ensimismáu, fascinau pol misteriu d’aquello. En casa entraba un periódicu el domingu, yera La Nueva España que compraba mió pá dempués de misa. Había una páxina de neños (que dirxía Luis Mier); con seis años mandé -yos un dibuxu y La Nueva España publicólu. L’impactu emocional, al velo en papel de prensa, foi tremedu, y ensin duda decisivu. Antes d’eso, allegaba Región a Caborana (comprábenlu mió Madre o mió Güelu) y un dí espublizó una semeya con esti pie: ‘He aquí a Chanín, un gran deportista que lee todos los días Región’(3 años). Nun podemos escaecer un factor perimportante. Graciano ye alleranu. Y eso, sabémoslo por llarga y variada esperiencia, determina delles notes. Moreda, la Moreda que conocemos, nun esistía fai poco más de cien años. Taba allaribones La Vega, la antigua Vega, de onde abaxaben a cultivar unes tierruces. Moreda foi faciéndose a base de inmigrantes del interior. Llueu allegaren otros de fuera (gallegos, portugueses, andaluces, castellanos). Y en Moreda tuvo un bon exemplu, colectivu: el de correr el riesgu de perder la vida pa salvar la de otros compañeros. Si bien Moreda lu distinguió en 2007 como Fiu Predilectu, tamién ye verdá que Moreda algo tuvo que ver nel espoxigue y la configuración d’esti alleranu. FINAL Termino, pacientes amigos. Perdonaime la llargor d’esti pedrique porque taba falando de un asturianu que se irgue ante nos como un texu firme, y taba falando cola admiración que merez, non tanto polos fechos na escena y nel ágora cuanto polos sos sentimientos nobles. Taba falando con afectu d’amigu. Taba falando de cómo la Fundación Caveda y Nava arriquez cola so incorporación a esta destinguía mena de patronos de honor. A esti home que tanto se desveló poles causes del so empeñu quiero brindalu a que allume la so propia biografía con esta consideración de El Profeta de Kalil Gibran: ‘Seréis verdaderamente llibres cuando los vuestros dís non escaezan de esmolición, y a les nueches nun-yos falten un xirpíu nin una congoxa. Meyor: cuando estes coses asedien per tolos llaos la vuestra vida y vos sobrepongáis a elles desnudos y ensin ataderes’. Etelvino González López Villaviciosa 20 avientu 2010
