El festival es un punto de encuentro de las regiones celtas, en el que la cultura, música y tradiciones de los diferentes países y regiones se dan cita. Se desarrolla en los primeros días de agosto y es el mayor acontecimiento de estas características en el mundo teniendo una duración de diez días

La Banda de Gaitas Villaviciosa- El Gaitero, nace en 1986 con un grupo de escolares de la Escuela Tradicional de Música, dirigidos por el maestro gaitero José Angel Hevia, hasta 2001.

En sus más de 20 años de existencia ha llevado la música por todos los rincones de Asturias, númerosos puntos de la geografía Española, pero también a varios puntos de América y Europa.

Entre sus muchos méritos, está el ser la Banda de Gaitas Asturiana que más veces ha visitado el Festival Intercéltico de Lorient, y colaboraciones con artistas de indudable prestigio.

Entre sus muchos premios cabe destacar ser ganadora dos años consecutivos de la Liga Gallega de Bandas de Gaitas, siendo la primera banda no gallega en ganarla.

El repertorio de la Banda en un principio básicamente asturiano, ha ido ampliándose con adaptaciones de melodías de otros países del arco atlántico, y composiciones propias, a la vez que la variedad de instrumentos utilizados.

En la actualidad está formada por 19 gaitas en Si bemol, 5 cajas, 4 timbales tenores, 1 tambor tradicional y un bombo. En la Escuela cuentan con 20 escolares.

N’ASTURIANU

Paez que foi va cuatru díes cuando entamaron a furrular les primeres bandes de gaites nel nuesu país, pero una de les pioneres, la Banda Gaites Villaviciosa, yá cumplió 25 años. La banda ñació oficialmente nel añu 1986, formada por un garrapiellu d’escolinos y escolines de la escuela de música tradicional que tiempu enantes echare a andar na capital maliaya José Ángel Hevia Velasco, mayestru gaiteru y direutor de la formación dende’l so aniciu hasta l’añu 2001. Nel so cuartu de sieglu d’esistencia, la Banda Gaites Villaviciosa llevó la so música per tolos requexos d’Asturies y a numberosos puntos de la xeografía del Estáu español, pero tamién a dellos países d’Europa y América. Amás, y como curiosidá, tien l’orgullu de ser la banda gaites asturiana que más vegaes participó nel Festival Intercélticu de Lorient / An Oriant, el más importante del mundiu (concretamente, nos años 1990, 1991, 1995, 2000 y 2005) y de collaborar con artistes d’induldable fama y reconocíu prestixu como’l mesmu Hevia o’l grupu pop “Amistades Peligrosas”.

Los reconocimientos al bon facer de la banda nun tardaren en llegar. En 1993 ganó’l “I Concursu de Bandes de Gaites” entamáu pola Conseyería d’Educación y Cultura del Principáu d’Asturies. Frutu d’esti premiu foi la grabación de Badarkablar, el so primer trabayu discográficu. Nos años 1994 y 1995 algamó’l primer puestu nel “Concurso y Muestra de Folklore Ciudad de Oviedo”, certame que daquella yera dalgo asina como un campeonatu d’Asturies. Y en 1995 asoleyó’l so segundu discu (y últimu, pol momentu), Gaiteros de Maquilán. La islla de piedra. Otres distinciones, ente’l cientu d’elles recibíes, son el “Urogallo de Bronce” del Centru Asturianu de Madrid y la “Manzana de Plata” del Conceyu Villaviciosa. Los ésitos de la década de los noventa siguieren, y siguen entá, nestos primeros años del sieglu XXI. En 2001, yá baxo’l nome oficial de Banda Gaites Villaviciosa – El Gaitero (por mor d’un conveniu de collaboración robláu cola perconocía empresa sidrera Valle, Ballina y Fernández SA) foi subcampeona del “I Campeonatu de Bandes de Gaites Asturianes”, entamáu pola Federación Internacional de Gaita Asturiana (FIGA). Un añu dempués algamó’l tercer puestu y en 2003, tercera y última edición del campeonatu, clasificóse en cuartu llugar.

En nenguna de les trés ocasiones qu’hebio hasta’l momentu s’algamó’l títulu de Campeona d’Asturies; ye una espina que la banda tien clavada, pero ello nun quita pa que la crítica siempres l’afayara ente les meyores bandes de gaites asturianes. En 2004 la Banda de Gaites Villaviciosa – El Gaitero participó por primera vegada na “Liga Galega de Bandas de Gaitas”, na que tolos años compiten al rodiu de 120 formaciones de Galicia, Asturies, España y Portugal encadarmaes en cincu graos o categoríes. Nel so debú los maliayeses algamaron un meritoriu cuartu puestu en primer grau. En 2005 la banda fizo hestoria nesi campeonatu, ya que ganó la so decimuquinta edición, convirtiéndose na primera banda gaites non gallega que lo facía, y non sólo eso, sinón que tamién se traxo p’Asturies el “III Campeonato de Cuerpos de Percusión”. En 2006 repitió trunfu na “Liga Galega” y na so participación cabera, nel añu 2007, la banda quedó subcampeona. No que cinca al tarrén musical, nos primeros años el repertoriu de la Banda Gaites Villaviciosa foi, básicamente, asturianu, emplegando la instrumentación tradicional (gaites afinaes en Do y percusión tradicional). Col pasu’l tiempu foron amestándose adaptaciones de pieces tradicionales, composiciones propies y melodíes d’otros países del Arcu Atlánticu (Galicia, Escocia y Bretaña, principalmente).

Anguañu, la banda, dirixía por Martín Poladura Berros y formada por 24 músicos, emplega gaites en Si bemol, caxes d’alta tensión, timbales tenores y bombu de parche sintéticu, anque la instrumentación tradicional sigue emplegándose en formaciones reducíes (pareyes de gaita y tambor o bandines). La Banda Gaites Villaviciosa - El Gaitero cunta con una Escuela de Música Tradicional. Les clases impártense nes Escueles Graduaes de Villaviciosa, anque tamién hai aules en Rozaes (Villaviciosa) y Santolaya (Cabranes), onde dalgo más de trenta escolinos, en total, reciben clases de gaita, percusión y curdión diatónica.