El próximo viernes, 11 de enero de 2013  a las 18:00 horas, se celebrará una reunión informativa con el profesor de Asturianu, Pablo Suárez Fernández, técnicu responsable del serviciu de normalización llingüística de la Comarca de la Sidra, donde se explicará el temario y horarios del curso que se iniciará en breve y que os recordamos  es gratuito.

CURSÍN D’ASTURIANU

La llingua asturiana cuenta yá con mil años d’historia y, a pesar que’l castellano, desde antiguo, arrequexó’l so papel históricu, cuenta n’actualidá con un cultivu nel planu cultural mui interesante que permanez desconocíu pa gran parte de la sociedá asturiana. La llingua, en cuantes que conforma una particular visión del mundu, ye parte fundamental de la identidá asturiana, y ta en manes de la sociedá asturiana el conocela, conservala y tresmitila pa les nueves xeneraciones nel futuru, pa garantizar la so supervivencia nun mundu globalizáu que tiende a la uniformización.

Esti cursu enseñarános a conocer y valorar l’asturianu que yá aprendimos en casa, a conocer les normes básiques d’escritura, y a meyorar el vocabulariu, la sintaxis y el conocimientu de les distintes variantes que s’atopen n’Asturies.

Como nun se pue separar una llingua de la sociedá na qu’esta vive y de los productos culturales que d’ella se valen, fadráse tamién un repasu de les circunstancies históriques y sociales que vienen condicionando la esistencia de la llingua y daráse a conocer, a grandes rasgos, la bayura de la lliteratura asturiana clásica y contemporánea.

Los bloques temáticos que se van tratar, pues, nesti cursín, van ser los siguientes:

Historia y socioloxía de la llingua asturiana

Normes ortográfiques

La llingua asturiana: léxicu, sintáxis y morfoloxía.

Música, lliteratura y cine n’asturianu

Más información: secretaria@ateneovillaviciosa.es

Ateneo Obrero de Villaviciosa