La celebración del día la Llingua materna nel IES Víctor García de la Concha entamó cola presentación del Calendariu de la Güerta por parte del Serviciu de Normalización Llingüística de la Mancomunidá de la Sidra. La presentación fízose col alumnáu de Terceru decla ESO del programa PMAR, que participa nun proyeutu de Güertos Escolares. Asistieron dellos medios de comunicación y la teniente alcalde del conceyu Villaviciosa. Darréu, fízose una visita al güertu del centru, onde pudieron vese los avances de los estudiantes nel proyeutu.

Una segunda actividá de la mañana fue la inauguración de una esposición de paneles sobre la hestoria de la Llingua y la Lliteratura asturianes, que permanecerá nel centru una temporadina pa que tol alumnáu tenga la oportunidá d’echa-y una güeyada.

Como tercera y cabera actividá, tol alumnáu de primeru bachilleratu y terceru y cuartu d´ESO asistió nel salón d´actos a una charra-conciertu.

ESti acto caberu de la mañana entamó cola llectura del manifiestu del día la llingua materna de la Conseyería d´Educación. Alumnos y alumnes de terceru la ESO lleeron el manifiestu, y darréu compartieron con tolos presentes dos pallabres n´asturianu, una pallabra qu´ellos usen davezu y que-yos preste, y otra pallabra de llugar, un topónimu, que signifique daqué importante pa ellos.

Xandru Vega, gaiteru de Skama la Rede, fizo un resumen de la hestoria de la música rock n´asturianu, mostrando vídeos al alumnáu dende lo más primitivo a lo más moderno desti xéneru musical.

Pa finar, el grupu maliayu de post rock n´asturianu, Melandru, del que la mayoría los sos miembros pasaren peles aules desti mesmu institutu, dio un conciertu con una esbilla de los sos temes más conocíos, col que l’alumnáu puso el pieslle a esta particular xornada escolar.

Descubre más accediendo al enlace de  fotos y  videos

https://goo.gl/photos/g3UWGrsPqmC6aNVN8