El acto de apertura se celebró este viernes en la Plaza del Ayuntamiento de Villaviciosa, conducido brillantemente por el Grupo de Teatro Contraste, que presentó en el escenario un divertido  montaje  con luces, música, efectos especiales, uniendo una historia de fantasía donde una bruja roba la luz, la ilusión y encanta a los personajes transformándolos en actores de cuento, y que integró  a los pregoneros, la Banda de Gaitas de Villaviciosa, y contó  con la gran aportación de la Banda de Música de Villaviciosa. Una animosa, divertida e irónica  presentación como siempre, con el sello inconfundible  de Contraste. Acto que sirvió también para la presentación de las Reinas y Reyes de las Fiestas.

El brillante pregón corrió a cargo de la Banda Gaites Villaviciosa El Gaitero, que este año celebran su 30 aniversario. (Pregón completo que podéis leer a continuación). Pregón emocionado y muy aplaudido por los asistentes que llenaron la Plaza del Ayuntamiento de Villaviciosa

A continuación tuvo lugar el saludo del alcalde de Villaviciosa, Alejandro Vega, quien felicitó a la Banda Gaites, por el pregón y por el 30 aniversario, entregándoles una placa de reconocimiento, e invitando a todos a disfrutar de las fiestas del Portal 2016

 El colofón final al comienzo de  fiestas lo pusieron los fuegos artificiales y la Orquesta Takikardia

PINCHA ENLACE PARA VER GALERIA DE FOTOS  DEL ACTO 

https://goo.gl/photos/KY9sDWqLdhejRH587

 VIDEO INFERIOR Y EN EL ENLACE DE LA BANDA GAITES VILLAVICIOSA EL GAITERO EN EL PREGON

https://www.youtube.com/watch?v=etX_IIOPKfc&feature=youtu.be

VIDEO  DE LOS FUEGOS GRACIAS A ESTHER ALONSO

https://youtu.be/WW0oMJakyEU

En el enlace veis el programa completo de fiestas – Pincha y verás - 

http://goo.gl/Dybb2n

 -----------------------------------------------------------------------------------------------------------------------------------------------------

  >>>>>Pregón completo de la  Banda Gaites Villaviciosa El Gaitero - Fiestas de Nuestra Señora del Portal Villaviciosa 2016

DARÍO GARCIA: Bones tardes, Alcalde, Conceyales, Reines y reis de les Fiestes del Portal, Familiares, collacios y demás asistentes

 Quixera entamar dando un fuerte aplausu a trés persones mui importantes que mos dexaren apocayá. Una d’elles ye Tere, que toos sabemos lo que fizo por estes fiestes que güei entamen. Otra ye Daniel Trivín, exemplu de gran corazón y al que toos queríamos. Seguro que nel Concursu de Ganáu tarás presente. La última ye Gervasio Poladura, consideráu por nós como un padre pa la xente de la banda.

Dempués, queremos agradecer al Ayuntamientu el camentar na banda pa llevar a cabu’l pregón de les “Fiestes del Portal” de 2016. Como toos sabéis, esti añu ye perespecial pa nós. Cumplimos 30 años y taréis conmigo en que ye una edá difícil d’algamar y a la que nin toles asociaciones lleguen. Y muncho menos, un coleutivu d’esti tipu, que cuando se creó foi una de les primeres formaciones modernes de bandes de gaites, ensin prácticamente precedentes n’Asturies y ensin saber a ónde se llegaría nun futuru.

Los entamos fueron duros, porque aparte de nun tener un modelu de guía en cuantu a grupu se refier, la situación de la música tradicional y concretamente de la gaita yera difícil debío a la falta de sofitos y infraestructura.  Por embargu, bien ceo escomenzó a haber una corriente que llevó al primer planu la música tradicional gracies a gaiteros como José Ángel Hevia, fundador de la banda, Xuacu Amieva, El Pravianu, Flavio Benito o Manolo Quirós. Nós sentímonos mui orgullosos de tener formao parte y de contribuyir tanto n’aquella dómina como anguaño a esi remanecer; como diz la nuestra quería danza del portal; de la música tradicional y más en concreto de la gaita asturiana. Porque si bien, les bandes de gaites son una formación moderna, na que s’empleguen nueves composiciones y arreglos de temes tradicionales y d’otros llugares del Arcu Atlánticu y del mundu en xeneral; nun podemos escaecer que la banda xurde a partir d’una escuela de música tradicional na que se pon en valor precisamente esti tipo d’enseñu.

Anguaño, l’actividá d’esa escuela sigue esistiendo. Güei tenemos equí a la cantera de la banda con nós y llámanse, por si hai daquién que tovía nun lo sepa, Banda Gaites El Trubiecu de Villaviciosa. Toos estos escolinos deprenden en primer llugar lo que ye la gaita y el tambor, ca ún pel so llau; pa llueu xuntalos y deprender a tocar na formación asturiana por escelencia, la “Pareya de Gaita y Tambor”. Lluéu ye yá cuando s’entama a tocar en banda. Depréndense temes más específicos y danse los pasos afayaízos pa poder entrar dempués na “Banda de los Grandes”, como ellos la llamen. Oxalá tolos chavales que tenemos güei con nós puedan llegar a tocar dalgún día nun espectáculu como’l de “Pueyes”, asocedíu’l fin de selmana pasáu equí en Villaviciosa. Nun-vos podéis llegar a imaxinar les sensaciones que supón salir a tocar en casa dempués de tantes hores de trabayu y col sofitu del públicu como poques vegaes se vio haza la banda. Nun sólo mos felicitó xente del nuestru arrodiu; sinón que por primera vegada, persones que nun tienen nada que ver con esti mundu de la música tradicional párenmos pela cai pa felicitamos y pidimos que saquemos el discu lo más ceo posible pa mercalu. Realmente sorprendente.

Prestaríamos q’esti softiu se caltuviera nel tiempu y que tol trabayu y l’esfuerzu d’estos últimos 30 años, colos nuestros padres y madres, pareyes y collacios sufriendo la nuestra pasión; llevándomos d’un llau pa otru con accidentes incluyíos y pa más inri ensin poder compartir con nós munches coses del día a día porque “Tenemos que Tocar”; se viera recompensáu con más escolinos interesaos y apuntaos na Escuela de Música Tradicional pa poder siguir plantegando nuevos proyeutos de futuru, y que toos podamos ser testigos de nuevos ésitos de la banda.

Dende l’entamu, anque con un llamentable parón pentemedies, la banda vieno participando nes Fiestes del Portal. Tanto en pasacais, como procesiones. Ye más reciente la nuesa participación na Danza del Portal, qu’alternamos cada dos años cola Banda de Música de Villaviciosa. Nun creo que naide pueda imaxinar estes fiestes ensin gaites y tambores. Más si cabe, nun llugar de tanta tradición gaitera. Si-vos dais cuenta, yá nún de los capiteles de la Ilesia de La Oliva apaez una figura d’un gaiteru y ye considerada la más vieya de la península ibérica. ¡Casi Nada! Na banda tamos perorgullosos de ser los herederos de gaiteros maliayeses tán importantes como pudieron ser José Rendueles o’l Gaiteru Lliberdón, que na so so dómina llevaron los sos sones por estes fiestes. La gaita ye alegría. Les Fiestes del Portal son alegría y como bona fiesta asturiana tien que vibrar al son de la gaita y del tambor y ye impensable que nun lo fagan al de la Banda Gaites Villaviciosa. Como dicía enantes, hubo unos años nos que desgraciadamente nun tocamos. Naquel entós yo yera ún de los más pequeños de l’asociación y nun comprendía cómo otra banda de fuera de Villaviciosa venía a tocar a la nuesa casa nes nueses fiestes. Alcuérdome de mirar pela ventana y velos pasar desfilando y entruga-yos a los mios pás por qué nun podíamos tocar nós en La Villa y ellos mirase ensin saber bien qué retrucame.

 Imaxiná-y lo orgullosos que podemos tar güei dando esti pregón y lo muncho que significa pa nós. Pasar de nun tocar equí a tener esta responsabilidá ye un cambiu considerable.

Nun too va ser trabayar y yá sabéis tamién que los de la banda tenemos cierta fama de “folixeros”. Podéis pregunta-y a Turu, tamién conocíu com’l “Gaiteru de la Ballera”. D’equí sacaréis en conclusión qu’una de les coses que más mos presta d’estes fiestes ye xuntamos pal “Día de les Peñes”. Ta claro que con fame, sede o falta de tocar nun quedamos nunca esi día.

Les Fiestes del Portal cada vegada son tamién más sinónimu de deporte. La Villa tien munchos campeones nesti ámbitu que lo consiguieren como casi too na vida, a base d’esfuerzu y sacrificiu. ¿Sabéis cuántes pruebes deportives tienen esti añu les fiestes? Son 5, ¡y nun quiero rimes! D’estayes tán estremaes como pueden ser el Cross, Ciclismu, Piragüismu, Tenis o Motocross. Amás, el nuestro queríu Lealtad xugará’l domingo, a les 6 de la tardi, contra’l Guijuelo. Qué meyor forma de pasar la tardi dempués de ver la Danza del Portal y d’una bona xinta en familia, qu’animando al nuesu equipu. Puede ganar o perder, pero ensin dulda dexará la piel nel partíu por defender el nome de Villaviciosa, como lo facemos nós cada vegada que subimos al escenariu.

El restu d’agrupaciones culturales y musicales de la Villa tendrán el so momentu tamién nestes fiestes y seguro que tanto’l Grupu Folclóricu “Aires de Asturias”, como la Coral Capilla La Torre y como la Banda de Música, disfrutarán de les sos actuaciones como si fueran la primera.

Igual que nós buscamos caltener y enanchar la nuesa cantera; toos sabéis que los ñeños y ñeñes son el futuru; nestes fiestes siempre se tien presente a la mocedá. Hai que face-yos partícipes. ¡Que s’empapen del espíritu del Portal pa que nunca muerra! Que participen nel Parque de Multiactividaes y Pekeportal, que se diviertan na Zona Skate y que disfruten cola so familia na Xira viendo al Payaso Tato. Nun hai nada más guapo que la cara d’un ñeñu o ñeña faciendo dalgo con ilusión, como por exemplu mientres participa nel concursu de debuxu infantil. ¿Cuántos de los que tamos equí participamos?. Toi convencíu de que la gran mayoría.

Nun vos escaecer que lo más importante pa nosotros de les Fiestes del Portal sois vosotros. Los vecinos y vecines de la Villa, que participáis y enllenáis les cáis. Muyeres y hombes de Villaviciosa.

Muyeres especiales, llaborioses, dedicadas a so casa, a la familia y al mesmu tiempua a los sos trabayos. Muyeres que tantu ayudaron y contribuyeron al bienestar y progresu de Villaviciosa. Muyeres que supieron evolucionar, que supieron adaptase a los nuevos tiempos. Madres y güeles del nuestru pueblu, que fueron la tierra que fizo surdir a estes Maliayes, les d'anguaño, les del presente, muyeres que saben cómo algamar la meta que se proponen, con tesón, y firmeza, porque asína fueron y son. Tenemos l'arguyu de decilo, les muyeres de La Villa son lluchadores incansables. Fueron y van siempres per delantre. Pa vosotres nun existe la palabra imposible, nin la derrota. Sois dignes de allabanza y reconocimientu.

Y nun mos olvidemos de los homes porque ellos llevaron mui lloñe el nome de La Villa, colos sos trabayos, esfuercios, conocimientu y obres. Homes que destacaben pol so xeitu de falar, de ser, el so sintiu del humor, la so facultá pa cantar, interpretar, ensiñar, curar, pintar, escribir… Obreros del campu, albañiles, xastres, médicos, mayestros, praticantes, tasistes, tenderos, barrenderos, panaderos, policíes, camareros, fotógrafos, boticarios, sacerdotes, barberos, músicos, pintores, poetes… Toos s'amontonen nos nuestros recuerdos, toos. Cualisquier Maliayu, dende'l más humilde al más altu ye importante pa nosotros y merez que se-y allabe.

Nun  queremos dar nomes nin de muyeres nin d' homes.Que caún imaxine y ponga el nome que quiera porque  seya  quien seya,  yo sé que lo merez anque sólo seya por ser fiu d'esta tierra y d'esti pueblu.

MARTÍN  POLADURA: 

Villaviciosa ye un conceyu que siempre foi referente pol so movimientu vecinal, asociativu y cultural. Un Conceyu vivu, onde los sos vecinos son el mayor patrimoniu.

Nós, queremos compartir esti privilexiu de pregonar les Fiestes del nuesu pueblu, con toos aquellos que dalguna forma tienen los mesmos principios de furrulamientu que la Banda Gaites Villaviciosa – El Gaitero-.

Dende equí, queremos reconocer la llabor de toes aquelles asociaciones onde valores como COMPROMISU, SACRIFICIU, COMPAÑERISMU Y ILUSIÓN, son les úniques ferramientes pa seguir añu tres añu desendolcando la so actividá.

Nesti añu nel que nun tenemos Asociación en la Villa que organice les Fiestes del Portal, esti añu los vecinos de la Villa tenemos que mirar a los coleutivos que siguen lluchando pa sacar alantre ya sean les fiestes de los pueblos ya sea la so actividá cultural o deportiva.

Añu pa reflexonar y pa que toos valoremos y reconozcamos el trabayu de milenta anónimos.

Por eso, entamando poles asociaciones del nuesu Ramu, queremos dar les gracies a

• - Banda de Música de Villaviciosa
• - Coral Capilla de La Torre
• - Grupu Folkclóricu de Villaviciosa
• - Grupu Folklóricu Les Xanines de Quintes

Artes Escéniques:

• - Maliayo Teatro
• - Teatro Contráste

Entidaes Culturales:

• - Fundación Cardín
• - Mediu Güeyu
• - Amigos del Paisaje de Villaviciosa “Cubera”
•  - Cofradía de les Fabes Villaviciosa
• - Ateneo Obrero de Villaviciosa y tolos mayestros que ellí ponen clase

Entidaes Sociales:

• - Raitana
• - Cruz Roja de Villaviciosa
• - Voluntarios de Protección Civil de Villaviciosa
• - Cáritas

Y, por últimu, Entidaes Deportives:

• - Club de Piragües “ El Gaitero”
• - Club de Atletismu Villaviciosa “ El Gaitero”
• - Club Ciclista Villaviciosa
• - Maliayo FS
• - Rodiles FS
• - Club Deportivu Lealtad
• - Argüeru CF
• - Villaverde CF

Pero, el nuesu más sentíu reconocimientu, con permisu de tolos anteriores, ye pa tolos mozos y non tan mozos, pa grandes y pequeños de los pueblos de Villaviciosa, que día tres día, añu tres añu, consiguen sacar alantre Fiestes Patronales y actividades de lo más variao.

Pa les persones que tán al frente de les diferentes Asociaciones vecinales, de Festexos y de cualesquier triba, pa toos ellos:

• - Dende Arroes a Tazones, de Sietes a Seloriu, Bedriñana, Amandi, Bozanes,Argüeru, Oles, Quintes y Quintueles. Pa los de Pión y Candanal, los de Rales, Tornón, San Xustu,SantaMera, Breceña, Poreñu y Carda. Pa los de Valdebarcena, Camoca, Grases y pa los de Niévares. Pa los de LLugás, Careñes y Castiellu la Marina. Pa los de Coru, Fuentes y Priesca. Pa los de San Martín del Mar, Santa Euxenia,Villaverde y por supuestu, pa los de Pueyes y Rozaes que por ciertu estos últimos, son el alma de munches de les fiestes enantes nomaes.

A toos ellos, gracies, gracies y milenta gracies. Vaiga pa ellos esti sentíu homenaxe y esti fortísimu aplausu de tolos vecinos de la Villa.

Qu’esta reflexión seya’l puntu de partía pa qu’en La Villa se puedan cellebrar 30 y 300 años d’Asociación d’Amigos de les Fiestes del Portal, ensin años en blanco, y que seya tamién puntu de xunión ente vecinos y collacios. Que se dexen les fataes varies que tantu dañu faen a los que trabayen por que en la Villa tengamos actividá cultural, vecinal y lúdica.

Luisin: Gracies pola oportunidá de pregonar estes fiestes.

Kevin: Gracies a toos los que nos apoyaron estos 30 años.

Luisin: Que puxen los pueblos de la Villa.

Kevin: Que puxen los vecinos de la Villa.

Luisin: Que puxen Les Fiestes del Portal.

Kevin: Puxa la Villa!!!!!!

Luisin y Kevin: PUXA LA BANDA!!!!!