Redacción Villaviciosa

El próximu xueves, 28 de febreru, a les 19:00, los talleres de llectura n'asturianu de la Comarca de la Sidra, entamaos pol SNLL Man.co.si acueyen un alcuentru col escritor Antón García , que nesta ocasión falará al rodiu de la primer novela del autor, El Viaxe, cola qu'algamara'l VII premiu Xosefa Xovellanos de novela n'asturianu.

Antón García (Tuña-1960) ye una de les voces más significaes de l'actual lliteratura en llingua asturiana. Poeta, narrador, traductor y críticu. Amás de El viaxe tien publicao les noveles Díes de muncho y Crónica de la lluz y la solombra, coles que tamién algamó'l premiu Xosefa Xovellanos de novela; y los poemarios 20 poemes o La mirada aliella, ente otros. Como críticu destaquen les sos collaboraciones nel diariu La Nueva España, recoyíes en volume en Xeneraciones y (de)xeneraciones o La cuerda floxa.