Los alcuentros col autor de los Talleres de Llectura n'asturianu de Villaviciosa, qu'entama'l Serviciu de Normalización Llingüística de la Comarca de la Sidra,  acueyen esti próximu miércoles, 21 d'avientu, a les 19:00 hores, nel aula del segundu pisu del C.C Capistrano de Villaviciosa, al músicu y dibuxante Ruma Barbero de Diego (Somió, Xixón, 1971).

 L'alcuentru centraráse na so novela gráfica 'El viaxe a la lluz', cola qu'algamó'l premiu Alfonso Iglesias de Cómic na so edición de 2015. Construyida a partir de vivencies reales de la so familia materna en Ponga, 'El viaxe a la lluz' adiéntrase na historia de los fugaos nos duros años de la posguerra española.  Barbero, además de ser el más destacado entre los autores de cómic en asturiano, es integrante y letrista del grupo de folk Felpeyu.