Como n'años anteriores, la Comarca de la Sidra sumóse a la celebración del día del Día de les Lletres Asturianes  col yá tradicional repartu de lletres de pan, que van acompañaes d'un vocabulariu y d'un poema de Xosé Bolado, autor al que se dedica la selmana de les lletres d'esti añu. 

Dos semeyes del repartu en C.P. Peñamayor de Nava

Esta iniciativa entamóla nel añu 2004 l'asociación maliaya "La Compaña del Ronchel", pal ámbitu del conceyu de Villaviciosa, y posteriormente'l Serviciu de Normalización llingüística de la Comarca de la Sidra ampliólo a los otros cinco conceyos que formen la Mancomunidá.    

Repartu na Escuelina El Nieru de Colunga

      Les lletres de pan, un total de 2.400, acompañaes pola tarxeta conmemorativa, repartiéronse per escueles, institutos y biblioteques de la comarca na mañana d'esti vienres 5 de mayu, día de les lletres asturianes celebraes con diversos actor per toa Asturies.

Semeya portada: Xuan Pedrayes y Miguel González Pereda,  repartu de lletres en Villaviciosa