La canal de YouTube de conteníu n’asturianu PlayPresta ta acabante de dar anuncia de la so programación especial pa la postrer nueche del añu.

 Trátase d’un programa d’al rodiu d’una hora de duración nel que van tar presentes los colaboradores de la canal mientres el 2022, faciendo dellos sketches dende les 22:56 na canal de YouTube.

El director de PlayPresta, Inaciu Galán, declaró “qu'esti añu resultó imposible escoyer dalguien pa dar les campanaes, porque foi un añu mui bonu en cuantes a conteníu, y quiximos dar les gracies asina a la xente que collaboró esti añu. Por desgracia, nun tán tolos que nos gustaría, pero sí pudo collaborar la mayoría”.

 Collaboradores como Aitor Riera, de Viescollacios y Nicios del cartón, Daniela Cortina, de La Xanzana, ente otros, van tar entreteniendo la espera de les campanaes del añu 2023, onde van aparecer doce de los collaboradores, caún comiendo una de les doce uves que manda la tradición.

Amás, los maliayos Marcos S.L. y Llucía Miravalles van tar representando al conceyu con dellos sketches que de xuru van facete rir abondo. Too ello, na canal de YouTube de PlayPresta, la canal de conteníu n’asturianu.

Ver en

https://youtu.be/JoTSszgpbNM

https://m.facebook.com/366007573869671/