Como n'años anteriores, la Comarca de la Sidra sumose esti vienres  a la celebración  del Día de les Lletres Asturianes  col yá tradicional repartu de lletres de pan, que fueron acompañaes d'un vocabulariu y d'un fragmentu de la lletra de Los Fayeos de Mayu, consideráu el meyor cantar de la historia de la música asturiana y de la que ye autor Igor Medio, músicu y dibuxante tráxicamente fallecíu en 2006 n'accidente de tráficu.

Repartu por establecimientos de la Villa

En la foto de portada  en la Plaza de Abastos: Gislena Granda, Xuan Pedrayes, Miguel González, Carmen Cueto, Tamara Tuero, Ana Solares, Lara Valiente y Javier Riego

Esta iniciativa entamóla nel añu 2004 l'asociación maliaya "La Compaña del Ronchel", pal ámbitu del conceyu de Villaviciosa, y desde va años súmase el Ayuntamientu de Villaviciosa y collabora'l Serviciu de Normalización llingüística de la Comarca de la Sidra, ampliandola a los seis conceyos que formen la Mancomunidá.

 Les lletres de pan

Les lletres de pan, un total de 2.400, acompañaes pola tarxeta conmemorativa, repartiéronse per Escueles, Institutos, Cases de cultura, Ayuntamientos y establecimientos de la comarca. El repartu  esti vienres corrió a cargu de Xuan Pedrayes y  Miguel Gonzalez Pereda (en la foto de portada)

 Miguel Gonzalez Pereda y Rosa Fernández  de La Compaña del Ronchel  también  entregaron ayer a mediodía 200 lletres de pan más en el acto que  l’Academia de Llingua celebró en el Teatro Filarmónica de Oviedo  con motivo  del Día de les Lletres Asturianes (foto inferior)