Dexo de tocar definitivamente y lo que más me duel; dexo de ser direutor y componente de la Banda Gaites Villaviciosa. Por problemes varios que nada tienen que ver col furrulamientu internu de la banda pero que faeseme muy difícil la mio llavor al frente de la misma. Estos mesmos problemes ya me habíen fecho dexar les clases que impartía dende´l añu 1999 na Escuela de Música Tradicional. Agora veome na obligación de guardar la montera y colgar la gaita!. Nun merez la pena falar d´ello, pero ye que al gaiteru jodiose-y la payuela. Creo que ye´l momento de dexar pasu a xente con más talentu, con más ganes y con muncha más valía que yo. Siempre dixe que nun necesitaba colar pola puerta grande, pero tampocu quiero salir pola puerta d´atrás. Asina lo faigo, marchando nel momento adecuáu pa poder volver siempre que quiera y pueda. 

Namás puedo dar gracies a los compañeros del Folkomillas, con los que establecí un llazu que agora mismu ye irrompible y que se plasmó fae dos años con el hermanamientu “formal”. Hermanos ya éramos desde aqueles espiches “Perdimos Perres”. Los hermanos de la Banda de Gaitas Castro Bergidum (os quiero a toos) pero que a José Manuel y Oscar Doural los conozco desde fae casi 30 años y el destín quiso que nos volviéramos a cruzar. Desde entonces vinieron casi toos los años al FIG y vienen porque además de ser muy buenos músicos son HERMANOS ya collacios ya nun solo míos, sino tamién de muchos de los chavales de la banda. 
Gracies a Naheba y toos los músicos que ficieron posible “PUEYES”, mi Pa está aún disfrutando. Mi más sinceru reconocimiento a mi fiel escuderu José Luis Llera, Noelia Suarez, Vanesa y a Simón San José por creer en mí ya la mio familia por estar siempre ahí. 
Pero sobre tou gracies a los compañeros de la BGV. A los que estáis, a los que estuvieron y a los que estarán pa que yo pueda sentila tocar. La mio felicidá será completa cada vegada que os sienta.

Deseando lo meyor a Dani Álvarez ( un musicazu) ya Simón San José ya con la allegría que los que queden tienen agora una nueva etapa llena de nuevos obxetivos. Dando les gracies al gran Román ya toa la familia Cuadra Sánchez, a David, Dario y René Suarez pola so entrega. Cola admiración a Llera, un paisanu que se viste polos pies y al talentu de Dani Valdés y Edu LLosa.

Gracies a Merche, Casi, Sergito, Jesús, Lidia, Mariali y Pablo por estar siempre ahí, pero sobre tou cuando los momentos nun eren buenos.
Milenta gracies y milenta perdones polos mios errores. Con pena, pero cola allegría y cola satisfacción de saber que fice tou lo que podía pa que la Banda fuese lo que agora ye; una gran FAMILIA.

 Agora toca Salú.
Gracies, milenta gracies por tou.
Gracies Siempre a les mios neñes, Nora y Elena.