Esti xueves, 4 de xunu, a les 19:00 nel C.C Capistrano de Villaviciosa, los talleres de llectura n'asturianu de la Comarca de la Sidra, entamaos pol SNLL Man.co.si, acueyen un alcuentru cola escritora Vanessa Gutiérrez, que nesta ocasión falará al rodiu de la so obra El paisaxe nuestru, obra cola qu'algamó'l XXII premiu d'ensayu Máximo Fuertes Acevedo, y na que desarrolla la so indagación sobre la identidá y la memoria familiar y colectiva que yá abordara en La cama (Ámbitu, 2008).

Vanessa Gutiérrez (Urbiés, Mieres, 1980) ye escritora y periodista. Estrenóse en 2003 col poemariu Onde seca l'agua, al que siguió La danza la yedra en 2004, premiáu col Teodoro Cuesta. Tamién ye autora de les obres en prosa Les palabres que te mando, El país del Silenciu, La cama, Dignas de sospecha y Aprendiendo a mirar, y ta considerada una de les figures eesenciales de la lliteratura asturiana d'anguaño.