Villaviciosa encuéntrase cellebrando la semana de les lletres asturianes.  Como en años anteriores la Compaña del  Ronchel col sofitu del Ayuntamientu de Villaviciosa, reparte mil  lletres de pan en colegios, comercios y hostelería de Villaviciosa y Colunga

Esta iniciativa entamóla nel añu 2004 l’asociación maliaya “La Compaña del Ronchel”.   N’esta semeya,  Macario Victorero, Miguel González Pereda y Xuan Pedrayes,  repartiendo lletres, (na semeya entre los alumnos de educación infantil del Colegiu San Rafael de la Villa) expliquen,  “Ye una actuación que vien contando con gran aceptación desde’l so entamu y a la que se pretende da-y continuidá, como forma de promoción del día de les lletres asturianes a nivel comarcal, y de revalorización de la nuestra historia lliteraria”

1000 Lletres de Pan y Coses pa neños y neñes el Día de les Lletres Asturianes

Ayer vienres, Día de les Lletres asturianes, Villaviciosa celébrólo con mil lletres de pan repartides en centros educativos y comercios. Esta iniciativa ye yá toa una tradición que sirvió de cierre a l'animada sesión cuentacuentos de Anina Morán ante unos 40 asistentes na Casa de los Hevia.

El martes 9 de mayo, tamién na Casa los Hevia, a les 18:30 de la tarde, sedrá'l día pa la presentación del nuevu númberu de la revista Friuz, qu'edita la Compaña del Ronchel, y la entrega premios del primer concursu de microrrelatos del I.E.S Victor García de la Concha, acompañao pola actuación musical de Ún de Grao, una de les propuestes más fresques dientro del panorama músical asturianu actual, cola so tonada renovada d'aires contemporáneos.

La Compaña del Ronchel, el IES Víctor Garcia de la Concha y el Serviciu Normallización Comarca la Sidra faen col Ayuntamientu de Villaviciosa esti prestosu programa.