Primeramente, el vienres 5 de mayu, Día de les lletres asturianes, y en collaboración cola asociación La Compaña del Ronchel, tendrá llugar el yá tradicional repartu de lletres de pan per centros educativos, comercios y establecimientos hosteleros del conceyu. Esi mesmu día, a les 18:00, na Casa los Hevia, los más pequeños van poder disfrutar d'una sesión de 'Coses pa neños', una prestosa sesión de cuentacuentos al cargu d'Ana Morán.

D'otra parte, el martes 9 de mayo, tamién na Casa los Hevia, a les 18:30 de la tarde, sedrá'l día pa la presentación del nuevu númberu de la revista Friuz, qu'edita la Compaña del Ronchel, y la entrega premios del primer concursu de microrrelatos del I.E.S Victor García de la Concha, acompañao pola actuación musical de Ún de Grao, una de les propuestes más fresques dientro del panorama músical asturianu actual, cola so tonada renovada d'aires contemporáneos.