El Consejo Comarcal de Mujeres de la Comarca de la Sidra entregará el galardón del Premio 8 de Marzo a Mª del Carmen Pandiella Vigón, Carmita de Bimenes, propuesta por la Fundación Belenos..

 

Este premio  tiene como objetivo distinguir a la persona, colectivo, entidad o institución del Principado de Asturias que destaque por la defensa de la igualdad de oportunidades entre mujeres y hombres y/o por la promoción de las mujeres y/o por un conjunto de valores dentro de su trayectoria personal, profesional y humana.

Consiste en un galardón representativo de la Comarca de la Sidra.

 

María del Carmen Pandiella Vigón

 

María del Carmen Pandiella Vigón La Fundación Belenos propón a María del Carmen Pandiella Vigón pa llevar el XII Premiu “8 de marzu”, convocáu pol Conseyu Comarcal de Muyeres de la Comarca de la Sidra. “Carmita”, como se la conoz popularmente, nació en Lloréu (Nava) el 19 de mayu de 1945 pero vive, dende cuantayá, en Martimporra (Bimenes).

 

 Muyer echada p’alantre como poques, foi madre por primer vez con namás que diecisiete años y yá dende entós apañóseles pa compatibilizar el trabayu domésticu (principalmente la crianza de los sos fíos, Orfelina y Severino) col desendolcáu fuera casa (llevó hasta va poco, primero col so home y dempués sola, una tienda de muebles y electrodomésticos). Sicasí, tovía sacó tiempu pa dedicase a la que quiciaes seya la so faceta más destacada y conocía: la de gran defensora y divulgadora de la cultura tradicional asturiana.

 

Asina, foi una de les fundadores de l’Asociación Folklórica y Cultural Los Yerbatos y de l’Asociación Cultural El Corriellu la Pandorga, coles que sigue baillando y cantando en tou tipu de celebraciones. El so calter de muyer incansable tamién lu treslladó a esti terrén, convirtiéndose nel “alma mater” de delles iniciatives como la grabación de De Bimenes, discu recopilatoriu de cantares populares de la zona y, principalmente, de Amor míu del alma, película ambientada nel Bimenes de va unes cuantes décades (dambos trabayos fueron producíos por El Corriellu la Pandorga, asociación de la qu’amás ye presidenta).

 

 Una de les sos últimes pasiones, a la qu’empobina gran parte del tiempu tres la so merecía xubilación, ye la fechura de traxes tradicionales asturianos pa vistir muñeques, atesorando nos últimos años una impresionante coleición de gran valir etnográficu cola que yá fizo esposiciones coincidiendo col Mercáu Tradicional de Grátila (Nava) o la Feria Agroalimentaria de Martimporra (Bimenes).

 

Hai que destacar, amás, el so calter amable y xovial y lo esquisito del so tratu personal, asina como la so dimposición a collaborar con cualesquier iniciativa que se-y proponga. Razones toes elles más que suficientes pa facela merecedora d’esti premiu

 

El acto de entrega  del premio “Premio 8 de Marzo” se celebrará en el Teatro Riera de Villaviciosa, el viernes, 10 de marzo, a partir de las 17 horas